Home Remedies for Hair Growth (Long Hairs Tips in Hindi)

Welcome to our website @DailyDelight

Aaj yaha hum aapke saath kuch hair tips share karne jaa rahe hai, jisse aapke hairs kuch hi samay me lambe or ghane ho jayenge. Jiske liye aapko kisi medical treatment ya parlor jaane ki jarurat nahi hai. Aaj hum aapko kuch aisi home remedies ke baare me batane wale hai, jo ki aapke gharo me aasani se mil jati hai or unhi kuch gharelu nuskho ki madad se aap apne baalo ko ghana or lamba bana sakti hai.

Inke alawa aapko apne khaanpaan me kuch vegetables bhi samil karna chahiye.

Multani Mitti ke Fayde (Multani Mitti for Hairs)

Multani Mitti ke Fayde

Baalo ki growth or unko ghana banane ke liye aap multaani mitti ka upyog kar sakte hai, jo ki bhut hi aasani se mil jati hai. Pahle jaamane ke log baalo me multani mitti ka uyog hi kiya karte the. To aayiye hum apko btate hai ki apko multani mitti ka upyog kese karna hai.

Sabse pahle aap multani mitti ko pani me bhigo kar rakh de, jisse mitti acchi tarah bhig jaye. Ab multani mitti me egg white or thoda dahi (curd) bhi mila le or achi tarah mila kar paste bana le. Ab is tayar paste ko apne baalo ki jado ( hair scalp) me acchi tarah lagaye. 1 ghante ke baad thande paani (normal cold water) se apne baalo ko dho le. Yah aap week me 2 baar kar sakti hai, or kuch samay baad apke baal lambe or bahut ghane ho jayenge.

Sarso ka Powder (Mustard Powder Hair Pack)

olive oil

Sarso ka oil (Mustard Oil) baalo ke liye kitna faydemand hota hai wo to apko pata hi hoga, lekin kya aap jante hai ki sarso ka powder (mustard seeds powder) bhi baalo ke liye faydemand hota hai.

1 spoon sarso ke powder me 2 spoon jaytoon oil (olive oil), 1 egg mil kar thode pani ke saath paste tayar kare. Is paste ko pahle achi tarah mila le or pure baalo me achi tarah se apply kare. Is paste ko baalo me 30 minutes ke liye chhod de. Uske baal aap apne baalo ko shampoo se achi tarah dho le. Hair wash ke liye aap soft shampoo ka use kare to yah apke baalo ke liye bahut hi acha hoga.

Castor Oil for Long Hair

Baalo ko Ghana or majboot rakhne ke liye jaruri hai ki baalo me oil lagaya jaye.  Isse baalo ki roots strong hoti hai or hair fall ki problems bhi kaam ho jati hai.

Baalo ke liye castor oil bahut hi fayademand hota hai. Aap roj raat me castor oil se baalo me acchi tarah malish kare or raat bhar ke liye baalo ko chhod de. Aap chahe to castor oil me thoda badam ka tel (Almond oil) bhi mila sakte hai, yah bhi baalo ke liye bahut faydemand hota hai. Subah baalo ko acchi tarah dho le. Isse jald hi apke baalo ka girna kaam ho jayega or baal ghane bhi honge.

Methi Ke Fayde (Fenugreek seeds)

Baalo ka jhadna kaam karne ke liye methi ke daane (Methi Seeds) bahut hi upyogi hai.

Iske liye apko 3 spoon methi ke daane lena hai or raat bhar unhe pani me bhigo kar rakhna hai. Subah bhige huye daano ka paste bana le. Ab paste ko apne baalo ki scalp per acchi tarah laga le or 30-40 minutes ke liye chhod de. Uske baad baalo ko thande paani se dhoye. Week me 2 baar methi daane (Fenugreek seeds) ka paste apne baalo me lagaye, jaldi hi apke baal ghane or majboot najar aayenge.

Vitamins –

Baalo ke liye oil ki malish or hair pack ke upyog ke saath-saath vitamins bhi bahut jaruri hai. Aapko yah bhi dhayan dena hai ki aap apne daily food me vitamins lete hai yaa nahi.

Aapke khane me vitamins or minerals ki kuch matra hona chahiye, jisse apko hair fall ki problem nahi hogi or saath hi baal majboot rahenge. Vitamins bhi apke hair growth me helpful hote hai.

Iske liye apko apne khaane me fruits, nuts vegetables, curd shamil karna hoga. Oil food se dur rahe hai.

Yaha hairfall and growth se related kuch tips share kiye hai, jo aap aasani se apke ghar par hi apply kar sakte hai. Yah remedies aasani se apke ghar par mil jayegi or results jaldi hi apko najar aayega. Sabhi prakar ki home remedies ke liye humare saath jude rahe…

 

Post Author: dailyadmin